ماشى برحتك ادخل هنا بقى لمصلحتك

ماشى براحتك ...... شوف مصلحتك

بس انا جيت

وادينى بكتبلك توبك

وهقلق راحتك

ايوا انت

بذمتك مش مكسوف من نفسك

انت عارف انا لو مكانك كان زمانى قاعد بحترق من كتر الاحراج

ياراجل هو فى حد يعمل اللى انت بتعمله ده ويبقى عادى كده

انا بس هسألك سؤال انت مشترك فى المنتدى ليه عشان تاخد بس صح اكيد هو انا مش عارفك

بس بذمتك مش انت كده بتاع مصلحتك

طيب انت لو شفت حد بيستغل واحد وعمال ياخد منه كل حاجة ومابيديش اى حاجة هتقول عليه ايه ...... قول الحقيقة

انا عارف انت هتقول ايه طب انت ترضاها على نفسك ...... اكيد لأ

طيب انت عارف اكيد ان المنتدى مش معمول علشان تدخل تاخد منه حاجة وتمشى لأ ده عشان تاخد وفى نفس الوقت تفيد الاعضاء المشتركين معاك فى المنتدى

طب لو انت عندك معلومة او حاجة تشارك بيها مش عايز تشارك ليه؟ ايه اللى بيمنعك؟

طبعا مش عارف ترد عليا

انت عارفه انك لو اشتركت معانا فى المنتدى وقدمت للاعضاء شىء يفيدهم ممكن تبقى مشاركتك معانا فى المنتدى مصدر لزيادة حسناتك

طبعا لو احتسبت عملك عند ربنا اكيد ربنا هيجازيك عنه

فكر فكر بقى شويا

ها انا قلقت راحتك ولا لسه

متهيألى بدأت تبقى مش مستريح صح

انا عارف انك بدأت تقتنع

ابتدى بقى من دلوقتى تشارك وتبقى عضو فعال

وروح حضر موضوع وتعالى شارك بيه

وخليك فاكر

"ان الله لا يضيع اجر من احسن عملا"

يارب اكون قدرت اقلق راحتك

يارب

وعايزين اسم البرنس و لا احلي من اشهر المواقع

والســــــــــلام خير الختام